【小樂廚房#13】 $50 三餸一湯第四集之我要煮芫荽大餐！！記住係香荽唔係臭架！！

大家期待嘅$50 三餸一湯又黎啦！熟我嘅觀眾同朋友都知道我係芫荽黨嘅黨員！簡直就係芫荽控😍，所以今次我決定用$50煮三餸一湯嘅芫荽大餐！🥰😋請容許我今次任性地煮芫荽大餐忽略咗一啲唔鍾意食芫荽嘅觀眾，如果你真係唔鍾意都可以離開放心我唔會逼你睇GA，不過當然我都好希望你可以留低觀賞下點解我咁鍾意食芫荽🤣

今次芫荽大餐嘅餐單如下：
1. 芫荽三杯雞，其實同台式三杯雞做法一樣，不過就將九重塔轉咗做大量芫荽，嗰三杯同樣係花雕酒，麻油同埋豉油，不過今次我仲用咗良心醬園悅和醬園的醬料，將個味道更加昇華，正！
2. 芫荽肥牛卷，呢個肥牛卷係入芫荽黨一定要識嘅餸，其實非常簡單，將啲肥牛捲着啲芫荽煎熟就食得！
3. 芫荽炒蛋，又係超簡單將海量嘅芫荽切碎加幾隻雞蛋加少少鹽攪勻煎熟即可。
4. 芫荽鹹蛋皮蛋豆腐湯，呢個係我最拿手嘅滾湯，得閒冇事我就會咁樣煮，基本上將所有材料放晒落去滾熟就得，最鍾意芫荽同埋皮蛋夾埋嗰隻味道！超夾！

今次$50煮3餸一湯嘅芫荽大餐我非常之滿意，可以一次過食咁多芫荽真係非常之滿足！唔知你哋鍾唔鍾意呢？如果鍾意呢段影片記得幫我CLS啊！想我開下一集記得喺下面留言話返俾我知呀！

另外今次亦都係我最後一次喺旺角街市拍呢個系列，因為我已經搬咗返屯門，下一次應該會喺屯門新墟街市拍呢個系列，嗰度仲平仲正呀!

高清YOUTUBE 版本在此，也請多多支持CLS^^：https://youtu.be/gvV4aqYQZdw

---